Мали совети за проблемите кои ги носи летото

На многу луѓе летото им е најомиленото годишно време, бидејќи тогаш најчесто сме излези надвор уживаме во сонцето или во топлите ноќи.

Иако сонцето е најдобриот извор на витамин Д, кој не прави среќни и задоволни, сепак претераното изложување на неговите зраци негативно влијае врз здравјето на кожата.

За летото да го поминете безбедно, почитувајте ги овие ефикасни совети:

Бебешка пудра

После сончање на плажа, нанесете на кожата бебешка пудра и автоматски целиот песок ќе падне од вас.

Дезодоранс

Нанесете дезодоранс помеѓу бутовите на нозете за да ја спречите иритацијата која настанува кога носите кратки панталони, здолништа или фустани.

Камилица

Намалете ја иритацијата на бикини зоната, така што на неа ќе поставите неколку искористени кесички чај од камилица.

Маслиново масло

После депилација, бричот исчистете го со маслиново масло. На овој начин, тој ќе трае подолго, а и шансите да се исечете ќе бидат многу помали.

Бебешко масло

Избегнете ја иритацијата на кожата во текот на депилацијата, така што на кожата наместо пена ќе нанесете бебешко масло.

Алое вера

Во сад за мраз нанесете гел од алое вера и замрзнете го. Ако се случи да изгорите на сонцето, коцките со алое вера ќе ви ги ублажат изгоренциите.

Апчиња

Во чантата секогаш носете си андол или аспирин. Ако се случи да ве касне оса, пчела или комарец, таблетата намокрете ја и ставете ја болното место. За неколку секунди болката ќе исчезне, а отокот ќе се намали. Но, доколку вие или некој друг е алергичен на овој лек, тогаш во никој случај немојте да ги користите.

Вазелин

Употребувајте го секојдневно за нега на петите, колената и лактите. После неколку дена ќе забележите дека кожата ви е понежна.