Не се споредувајте со другите

Во човечката природа е натпреварувањето и споредувањето, па иако знаеме дека сме единствени, и дека не постои уште една личност со исти како...

 

...нашите карактеристики, сите понекогаш сакаме да се споредуваме со другите.

Споредувањето го сфаќаме како еден начин за проценување на квалитетите кои ги имаме.

Се споредуваме и со оние кои се подобри од нас за да го процениме патот до напредок. Меѓутоа, споредувањето треба да го сведете на минимум.

Напоменавме на почетокот дека ние сме едни и единствени и не постои никој како нас - што би водело кон заклучок дека сме неспоредливи.

Потполно е невозможно и бесмислено да споредувате на пр. цвеќе и автомобили. Кој има повеќе квалитети? Кој е покорисен? Што попрво би купиле? Зошто е цвеќето поефтино, а автомобилот поскап.

Понекогаш е многу полесно да гледате во другите отколку кон себе. Полесно е да се процените себе си отколу другите.

Тешко е да ги препознаете своите квалитети, но затоа е полесно да ги видите квалитетите на другите. Секој од нас има свои квалитети и секој постои со различна причина.

Секој има животно мото и цел која сака да ја исполни, а во меѓувреме ќе мора да научи најразлични “лекции“: Како би можеле да го споредуваме животот со некој друг чија животна цел е да одгледува деца, а вашата е да отпатувате во свемирот...

Често пати незнаеме што сака некој друг, зошто сака, колку сака, какви цели има, а сепак се споредуваме со него.

Наместо постојана компарација на вашата личност со останатите започнете да се прифатите себе си онакви какви што сте, ценете ги сопствените таленти и квалитети и обидете се да сфатите дека секоја личност си оди по својот пат.

Понекогаш патиштата може да се вкрстат, но тоа никогаш не станува еден заеднички пат. Беззначајните споредби може само да ве забават на патот кон остварувањето на вашите цели. Без потреба губите енергија за нешто што навистина не е значајно за вас.