Каде треба да го фрлате зејтинот по готвењето?

Постојат неколку производи кои секојдневно ги употребуваме и кои не ги фрламе правилно. Меѓу нив е и зејтинот. Најголемиот дел од нас по пржењето на храната го фрлаат во мијалникот, но тоа е сосема погрешно.

Вообичаено веднаш по пржењето на храната, зејтинот кој ни останува го истураме во мијалникот затоа што тоа е наједноставен начин за ослободување, но оваа навика треба да ја заборавите.

Причината поради која не би требале да го правиме тоа е затоа што за само 1 литар зејтин загадува речиси еден милион литри чиста вода. Оваа количина на вода е еднаква на количината на вода која еден човек ја употребува цели 14 години од својот живот.

Меѓу другото, мастите ја менуваат својата цврстина и густина – од течна преминуваат во тврда состојба и предизвикуваат затнување на цевките.

Најбезбеден начин за ослободување од зејтинот е да го фрлите во празно шише. Откако сте го употребиле, почекајте малку да се олади и ставете го во пластично шише, па заедно со шишето можете да го фрлите во вашата канта за отпадоци.