Зошто замислуваме желба кога ќе падне ѕвезда?

Паѓањето на ѕвезди е феномен кој се јавува во атмосферата на Земјата. Порано, тој најчесто бил поврзуван со суеверие и лоша среќа.

Се верувало дека ако некој каже дека паднала ѕвезда ќе биде убиен или ќе биде фатен некој што е виновен, бегалец или војник. Ова верување посебно било силно во области кои имале чести војни.

На места каде што се верувало дека секој човек има своја ѕвезда, паѓањето на ѕвездата значело смрт на таа личност или летање на душата кон небото.

Некои народи веруваат дека се работи за змеј кој полетува и исчезнува, бркајќи ги ѕвездите.

Што се однесува до потеклото на посакувањето на желби, легендата вели дека доколку замислите нешто и верувате во тоа, желбата ќе ви се исполни.

Ова верување датира помеѓу 127-та и 151-та година, кога грчкиот астроном Птоломеј пишувал дека некогаш од љубопитност или здодевност Боговите не гледаат од небото.

Тој вели дека кога се случува тоа, ѕвездите понекогаш се лизгаат од небото и паѓаат на земјата, односно паѓање на ѕвездите значи дека Боговите ни посветуваат внимание.

Евреите и христијаните верувале дека се работи за паднати ангели или демони.

Луѓето од целиот свет имаат различни верувања за паѓањето на ѕвездите. Една заедничка работа што ја имаат е верувањето дека ѕвездите се извонредни.

На пример:

1. Во Швајцарија се сметало дека ѕвездите ја поседуваат моќта на Боговите.

2. Во Чиле треба да се собере камен додека паѓа ѕвездата.

3. На Филипините мора да се врзе марамче во јазол пред да падне ѕвездата.

4. Покажување со прст кон ѕвездата во Америка е лоша среќа.

Следен пат кога ќе падне ѕвезда, следете ги овие совети:

1. Секогаш имајте резервна желба.

2. Сетете се на Марфиевите закони. Во моментот кога ќе погледнете на друга страна, ѕвездата ќе падне.

3. Кога ќе видите ѕвезда која паѓа, не викајте и не покажувајте со прст нагоре. Прво посакајте желба, потоа сé друго.

4. И за крај, се разбира, не ја кажувајте никому желбата додека не се оствари.

Автор: М.A. | Црнобело