Преживеј ги актуелните журки

Доаѓаат празниците Божик, Нова Година... Ќе има многу прослави на работа, со пријателите, дома. Еве неколку совети како да ги протуркате овие празнични забави...

 

...и веселби.

1. Почни ја вечерта среќен, а не гладен

Храната помага полесно да се абсорбира алкохолот и му овозможува на телото да ги метаболизира отровите. Започни ја вечерта со среден оброк, а потоа земај по малку од храната на  барот, како мезе.

2. Одбери лесни пијалоци

Пијалоците со помалку алкохол ќе овозможат да славите со колегите и пријателите, а да не се опијаните или “натрескате“. Наместо виски, водка, коњак или ракија, пиј пијачка со помалку алкохол. Најдобри се коктелите, или жестоките пијалоци кои се мешаат со сокови.

3. Пиј вода

Немој да дехидрираш. Меѓу секоја чашка, напиј се една помала чаша вода. Количината на алкохол исто така може да се намали ако пијалокот се пие со мраз.

4. Пиј само еден вид алкохол

Следи го златното правило како да не се опијаниш и да не си мамурен: Не мешај различни пијалоци! Одбери си една пијачка и цела вечер “држи“ се за неа.

5. Немој да пиеш темни пијалоци

Што посветла пијачка, помалку проблеми следното утро. Темните пијалоци содржат повеќе токсични материи од светлите, па се главни предизвикувачи на грозните главоболки. Коњакот, вискито, румот, црното вино спаѓаат во оваа категорија.