Енергични и на крајот на 2009

Празничниот период може да биде навистина исцрпувачки. Бекрајни шопинзи, готвење, патување, уредување, посети, дружби и останати “должности“...

 

...можат да ви ги истрошат батериите.

Постојат повеќе начини како да ја одржите енергијата на ниво и да останете во форма.

1. Чудно е, но деновиве навистина има сонце. Искоритете го па дури и ако е со заби.

Докажано е дека недостатокот на светлина го поттикнува депресивното расположение, а единствен лек за тоа е да побегнете од темнината.

2. Шетајте! Дури и кратка прошетка од 10 минути може да ве опушти, а свежиот воздух да ја поттикне циркулацијата.

3. Бидете енергични! Движете се, смејте се, едноставно уживајте!

4. Слушајте музика. Стимулирачка музика никогаш не е на одмет, а ефектот кој ќе го има омилената музика врз вас е одличен.

5. Разговарајте со енергични луѓе. Сигурно имате пријатели кои секогаш блескаат со енергија. Искористете ги и повикајте ги да се дружите. Тие секогаш имаат позитивно влијание врз вашето расположение.

6. Завршете ги своите обврски. Кога ќе го направите она кое ви било испланирано ќе се чувствувате среќно и исполнето.

7. Опуштете се! Не сте ги испратиле сите 125 честитки од работа? Колачите не ви излегоа како што планиравте? Девојката ви се налути? Замарањето со мали проблеми ги нарушува убавите работи. Утре е нов ден. Искористете го до максимум!