Стоунхенџ: Факти и теории за мистериозниот споменик

Стоунхенџ е голем камен споменик кој се наоѓа на еден варовит дел на денешниот град Салисбери, Англија. Структурата која ја нарекуваме „Стоунхенџ“ е изградена во периодот пред околу 5.000 и 4.000 години и е само дел од поголем и покомплекснен пејзаж.

Најголемите камења на Стоунхенџ, познати како „sarsens“, се високи до 9 метри и тешки до 25 тони во просек. Се верува дека биле донесени од Марлборо Даунс, место одалечено 32km северно.

Помалите камења, наречени „bluestones“, тежат до 4 тони и доаѓаат од неколку различни локации. Не се знае како луѓето во тоа време успеале да ги пренесуваат овие камења толку далеку. Научниците веруваат дека во текот на последното ледено доба глечерите овие камења, ги привлекле поблиску до крајбрежјето. Постои и теорија дека користеле воден транспорт.

Научниците велат дека оваа област во Салисбери се сметала за свето место долго време пред да се изгради самиот Стоунхенџ. Уште пред 10.500 години биле подигнати три големи борови на местото на кое сега се наоѓа Стоунхенџ.

Истражувачите, исто така неодамна открија масивна дрвена зграда која можеби се користела за погребни ритуали. Исто така, се откриени десетици погребни насипи во близина на Стоунхенџ што покажува дека стотици, ако не и илјадници луѓе биле закопани таму во античките времиња. Откриени се и најмалку 17 светилишта, некои во форма на круг, во близина на Стоунхенџ.

Зошто е изграден Стоунхенџ?

Иако постојат многу теории за тоа зошто Стоунхенџ е изграден, најновите откритија покажуваат дека Стоунхенџ бил изграден како светилиште кое било подложно на постојани промени.

Една нова теорија за Стоунхенџ од вели дека го одбележува „обединувањето на Велика Британија“, времето кога луѓето од островот започнале да соработуваат.

М. А. | Црнобело