Најсреќни сме за викенд

Неверојатно, но вистинито – научниците докажаа дека за време на викендот се чувствуваме многу подобро, поздраво и посреќно од останатите денови.

 

Истражувањето покажало дека сите луѓе се чувствуваат подбро во сабота и недела. Анкетираните зборувале дека се чувствувале порасположено и имале повеќе енергија.

Психолозите дале и свое стручно мислење. Причината за овој “викенд ефект“ е слободата да изберат сопствени активности и можност да поминуваат време со своите сакани личности. Работниот ден е полн со стрес и притисок, и често го поминуваме со колегите за кои не ни е баш многу гајле.

Студијата опфатила возрасни личности од 18 до 62 години кои работат минимално 30 часа неделно и го анализирале нивното расположение во текот на денот. Три недели биле постојано следени.

Разликите во расположението меѓу половите не биле видливи. И мажите и жените подеднакво подобро функционирале за време на викендот, а на резултатите не влијаела друштвената положба ниту висината на платата.