2016 е престапна - што не треба да правите годинава?

На секои 4 години, календарската година се ускладува со астрономската година и месецот февруари има 29 дена. 2016-та година е престапна година и месецот февруари оваа година има 29 дена.

Престапната година ја следат многу народни верувања. По нив, самата година е „баксузна“, односно несреќна година и не би требало да започнувате некои сериозни работи. Исто така, Грците веруваат дека оваа година не треба да стапувате во брак, бидејќи ќе заврши неславно.

Ако сепак се одлучите да се венчате, тогаш девојката треба да го запроси мажот - барем така веруваат Британците. Ако мажот ја одбие жената, тогаш треба да ја бакне и да и подари свилени ракавици.

Оваа година не треба да садите овошје, бидејќи ќе има плод секоја втора или секоја четврта година. Ако веќе садите, тоа треба да го направите на есен, не на пролет.

Децата родени на 29-ти февруари

Во Ирска по закон, секое дете родено на 29-ти февруари добива по 100 фунти.

Веројатноста некој да се роди на 29-ти февруари е 1 спрема 1.000, а во светот моментално живеат 4 милиони луѓе кои се родени токму на овој датум.

За овие деца се верува дека се креативни, интелигентни и многу често, единствени. Да се родите на 29-ти февруари, значи да се родите со „шесто сетило“. За овие луѓе се верува дека се родени како среќници и дека поседуваат бројни таленти.

Во Гинисовата книга на рекорди семејството Кеох од Ирска е запишано како семејство во кое три личности од три генерации по ред се родени токму на 29-ти февруари. Во книгата на рекорди ќе го најдете и норвешкото семејство Хенриксен каде има три членови кои се родени на 29-ти.

Египјаните први сфатиле дека има престапна година

Секоја 4-та година е престапна година за полесно да се усогласат календарската и соларната година, односно времето кое ѝ е потребно Земјата да го заврши својот пат околу Сонцето.

На Земјата потребни ѝ се 365 дена и 5 часа, 48 минути и 45 секунди да направи еден круг околу Сонцето. Соларната година трае 11 минути помалку од патувањето на Земјата, па затоа пости еден ден плус во календарската година.

Египјаните први започнале со усогласување на календарската и соларната година.. Од нив, оваа традиција ја преземале Римјаните кои одлучиле денот кој ќе се додаде да биде 29-ти февруари.

Овој стандард е светски прифатен во 1582-та година.

Н. Г. | Црнобело