На час по географија кај 4-годишната сезнајка (видео)

Се сеќавате ли на тригодишната Бриел која го освои светот со своето познавање на Периодниот систем на елементите?

Оваа мала сезнајка стана интернет сензација, а нејзиното гостување во шоуто на Елен Деџенерис ги освои срцата на сите пред малите екрани.

Ако мислевте дека она што е фасцинантно за неа е само познавањето на периодниот систем на елементите, тогаш прегледајте го видеото во кое таа држи часови за земјите од светот. 

Се прашувате која е најголемата земја во светот? Колку временски зони постојат или колку чекори се потребни за да се искачите на врвот на Ајфеловата Кула?

Дозволете оваа мала сезнајка да ви раскаже во еден забавен час кој ќе го исполни вашето срце со топлина и ќе предизвика насмевка на вашето лице. Пред неа е само глобус, на кој таа вешто ги наоѓа сите земји за кои раскажува, а освен тоа добро ги владее сите интересни факти кои се карактеристични за земјата која ја покажува.

Малата Бриел со својата појава носи една силна порака како за младите така и за возрасните, за да бидете познати и обожавани од светот не ви требаат погрешни работи со кои ќе се истакнете. За неа доволна отскочна даска која ја направи миленичка на сите, беше нејзината желба да научи повеќе.

Н. Буџак | Црнобело