10 музеи кои можете да ги разгледате без да излезете од дома

Уметноста е моќна алатка која се користи да ги инспирира луѓето секојдневно. Таа нè потсетува колку убав и различен е светот во кој живееме.

За жал, многу често немаме доволно време или пари да ги посетиме големиот број на музеи и да уживаме во уметничките ремек-дела од изминатите векови.

Но, сега постои решение и за тој проблем - „Google Art Project“ е проектот кој нуди виртуелни посети во најпознатите светски музеи од удобноста на вашиот сом.

На неговата листа може да се најдат поголем број музеи но се најдобрите десет кои сигурно барем еднаш сте посакале да ги посетите.

1. Музејот на модерна уметност во Њујорк

Покрај најпознатите дела како „Ѕвездена ноќ“ на Ван Гог и „Надеж II“ на Густав Климт, можете да бидете дел и од неверојатните секојдневни изложби на оригинални костими, фотографии, постери, скулптури, како и извонредните физичко-георафски слики на Бредфорд.

2. Националната галерија во Лондон

Музејот содржи некои од најпознатите дела од 13-ти до 20-ти век. „Мадона на карпите“ од Леонардо да Винчи, „Венера и Марс“ од Сандро Ботичели и „Алегорија на мудроста“ на Титан се само дел од најзначајните дела кои можете да ги видите овде.

3. Старата национална галерија во Берлин

Со дела од 19 век овој музеј опфаќа повеќе правци како Класицизам, Романтизам, Импресионизам и Ран модернизам. Посебно важни се делата „Во конзерваториумот“ на Едвард Моне, „Бранот“ на Гистав Курбе  и „Свештеникот покрај морето“ на Каспар Давид Фридрих.

4. Версајскиот музеј

Не само што ќе ги видите најпознатите светски дела како „Смртта на Марат“ од Жак-Луј Давид, „Ребека и Елиезер“ од Паоло Веронезе, „Херкул и Телеф“ од Жан-Батист Жувене туку и ќе можете да видите како се промениле најлуксузните места низ светот. Не заборавајте да го разгледате и реалистичкиот парк.

5. Државната галерија „Третјаков“

Најопсежната збирка на дела од руските уметници се наоѓа токму овде. Меѓу позначајните дела се „Црното море“ од Иван Ајвазовски, „Смарагден ѓердан“ од Виктор Борисов-Мусатов, „Девојката со праските“ од Валентин Серов и „Дамата во сино“ од Константин Сомов.

6. Националната галерија на модерна уметност во Индија

Посакувате да знаете нешто повеќе за индиската уметност? Виртуелната тура низ овој музеј е одлична можност да се запознаете со комплетно различна култура. Често споредувана со Фрида Кало, индиската сликарка Амрита Шер-Гил дефинитивно го заслужува вашето внимание.

7. Галеријата „Уфици“ во Фиренца

Денес ова е најпосетуваниот музеј во Италија. Покрај ремек-делото на Сандро Ботичели – „Раѓањето на Венера“ ваа галерија е дом на славни слики како „Благовештение“ и „Обложувањето на мудреците“ од Леонардо да Винчи, „Флора“ од Тицијан и „Музикалниот ангел“ од Росо Фиорентино.

8. Музејот „Ван Гог“

Ако ви се допаѓаат холандските пост-импресионистички слики, овој музеј е токму тоа што ви треба. Патем, во овој музеј нема да ги најдете само сликите и цртежите на Винсент ван Гог (како што се „Сончогледи“, „Јадачите на компири“ и „Спалната соба во Арл“) туку и дела на негови пријатели и современици, како на пример, Пабло Пикасо и Пол Гоген.

9. Музејот „Реина Софија“

Ова не е само неверојатен музеј, туку и библиотека со книги. Галеријата е дом на најважните слики од авангардниот уметник Хуан Грис („Шишето од Анис дел Моно“, „Отворениот прозорец“ и „Виолина и гитара“). Сепак најважниот експонат во музејот сѐ уште е „Герника“ од Пабло Пикасо.

10. „Тејт Британ“ (Национална галерија на британска уметност)

Овде можете да научите скоро сѐ за британската уметност. Музејот содржи дела од 14-от век, па до денес, меѓу кои најпознати се „Офелија“ од Сер Џон Еверет Милајс, „Ноктурно“ од Џејмс Вислер и „Снежна бура“ од Вилијам Тарнер.

М. С. | Црнобело