Евелин Несбит - првиот светски супермодел

Што значи супермодел? Природна убавина, харизма, непогрешлив инстинкт за модата и сексапил. Со овие карактеристики еден модел станува „супер“, кога истата ќе стане популарна, и уште поважно, кога ќе влијае на културата на својата ера. 

Супермоделите ја даваат сликата за еден момент во времето, бидејќи тие се секогаш во центарот на модерниот културен живот на своето време - и на авангардата. Секоја деценија ги има своите супермодели.

Евелин Несбит била убавица од Филаделфија и една од најбараните уметници и манекенки во Америка. Нејзиниот живот бил бурен, а нејзината слава го достигнала својот врв кога стана вовлечена во убиство, во она што било наречено „судењето на векот“.

Несбит била отелотворение на ерата во која живееле во повеќе погледи. Крајот на 19-от век бил гламурозен период, со брзиот економски раст во САД, но исто така ова било време на голема сиромаштија.

Несбит имала шкотско-ирски корени. Кога дошла во Њујорк во 1900-та година влегла во нов, поинаков свет.

Нејзиното лице наскоро станало сеприсутно - на разгледници, картички, календари. Станала икона на својата ера.

Несбит го запознала архитектот Стенфорд Вајт кој наскоро станал нејзиниот љубовник и добротвор, обезбедувајќи ја неа и нејзиното семејство со екстравагантни подароци и елегантен стан.

Оваа врска траела една година, потоа Несбит се омажила за милионер кој го убил Вајт, за да ја одбрани честа на неговата млада сопруга, како тврдел.

Несбит била главен сведок во судскиот процес полни со шокантни детали за нејзината врска со мажите. Мајката на Евелин била обвинета дека ја проституирала нејзината ќерка за Вајт.

М. А. | Црнобело