Немаат тоалети и храна, постојано ги тепаат: Како изгледа престојот во најозлогласениот затвор во Дубаи?

Затворот Al-Awir во Дубаи е вистински кошмар, а токму овде завршуваат повеќето затвореници, особено оние од странство. Според поранешни затвореници, затворот мирисал одвратно, немало никакви услови за хигиена, а тепањето, но и сексуалното насилство, биле доста честа појава.

Дубаи е град познат по модерната архитектура, раскошот, плажите, ноќниот живот… Но, Дубаи, и Емиратите воопшто, се познати и по строгите закони.

Властите во Дубаи се немилосрдни кон оние кои не ги почитуваат нивните закони, а најлошото место во коешто можат да завршат е затворот Al-Awir.

Затворот, нарекуван и најозлогласениот во Дубаи, повторно се најде во центарот на вниманието на почетокот од септември, поради младата Британка која моментално е затворена таму.

23-годишната Миа О’Брајан најверојатно ќе треба да помине 25 години во затворот бидејќи бил фатена со дрога.

За она што се случува внатре имаат зборувано многу поранешни затвореници, а некои приказни го имаат привлечено и вниманието на организациите кои се фокусираат на прекршување на човековите права.

Што знаеме за најозлогласениот затвор во Дубаи?

Затворениците немаат право на телефонски повик

Организацијата Detained in Dubai е формирана со цел да се зголеми свесноста за кршењето на човековите права во затворот.

Според организацијата, луѓето кои се затворени таму немаат никакво право на телефонски повик.

Уапсената личност прво ја носеле во најблиската полициска станица, без преведувач или можност да побара адвокат.

Оттаму, ја носеле во ќелија, без да ѝ дадат право на ниту еден телефонски повик – нешто што е норма во другите земји.

Штом некој ќе биде уапсен, најверојатно ќе заврши во затворот

Според некои странски медиуми, уапсените лица во Дубаи се прогласени за виновни во 90% од случаите.

Штом ќе бидат прогласени за виновни, темелно ги пребаруваат, им даваат затворска облека и ги носат во затворот.

А, штом, ќе стигнат овде, тешко дека ќе најдат слободен кревет и повеќето нови затвореници треба да спијат на подот со валкано ќебе.

Поранешен затвореник има изјавено дека побарал лекови против болка кога го затвориле и наместо да му помогнат, тогаш само го удриле по глава со метла.

Продолжува на следната страница...