Чудниот пат во Франција кој исчезнува под вода двапати дневно

Пасаж ду Гоа е пат кој го поврзува заливот со островот Нуармутие во Франција. Интересно е што овој пат поголем дел од времето се наоѓа под вода.

Заради плимата која надоаѓа луѓето може да возат по него двапати во денот и тоа само по неколку часови пред тој повторно да биде прекриен од надојдените бранови.

Во 1701-та година за првпат овој пат бил означен на мапите за патување. Околу 1840-та година започнала да се обезбедува редовна превозна линија која се состоела од превоз со автомобил или јавање на коњи. Денес патот е долг околу 4 километри.

Овој навидум обичен пат е всушност екстремно опасен. На двете страни се поставени посебни панели, кои ви кажуваат дали патот е прооден или не.

Сепак, секоја години многу авантуристи заглавуваат во водите на плимата која доаѓа речиси одеднаш. За тие кои ќе се најдат меѓу брановите изградени се кули за спасување по самата должина на Пасаж ду Гоа.

Па кога ќе заглавите меѓу брановите единственото што ви преостанува е да се качите на овие кули и да чекате додека да ве спасат или плимата се повлече. Исто така ќе треба да се збогувате и со вашиот автомобил.

• 
• 
• 
• 
• 
• 
• 
• 
•  

Н. Г. | Црнобело