Зошто понекогаш ви се чини како да паѓате додека заспивате?

Веројатно барем еднаш во животот ви се случило додека заспивате да ви се чини како да паѓате, но дали знаете зошто и како настанува ова чувство? Постои научен одговор за овој феномен.

Повеќето луѓе кои го искусиле ова чувство тврдат дека им се причинува како да паѓаат во некоја бездна, а потоа брзо се будат исплашени и со силно срцебиење.

Овој феномен е нормален физиолошки процес познат како миоклонус.

Кога спиеме минуваме низ неколку циклуси на сон поделени во четири различни фази. Чувството како да паѓате се случува во првата фаза.

Постојат неколку теории зошто се случува ова.

Едната е дека, мускулите се релаксираат, а вашиот мозок наеднаш се збунува и мускулите реагираат со брзо стегнување, затоа, се будите нагло и со силно срцебиење.

Други научници велат дека и миоклонусот е уште еден рефлекс кај луѓето кој настанал додека првите луѓе сè уште заспивале на дрвја. За да се спречи оваа прастара навика, настанал рефлексот.

Истражувањата покажуваат дека 7 од 10 луѓе го искусиле ова чувство барем еднаш во животот, но не претставува нешто за кое треба да се грижите, бидејќи е сосема нормална појава и не претставува знак за некаква сериозна медицинска состојба.

Н. Г. | Црнобело