Сконцентрирајте се!

Многу луѓе патат од недостиг на концентрација и ова најчесто штети на работата, учењето и останатите секојдневни обврски. Слабата концентрација доведува...

 

...до послабо помнење. Со подобрена концентрација го подобрувате и квалитетот на животот и сопствениот успех.

Време е да поработите на својата концентрација? Како?

1. Два пати во денот вежбајте така што 5 до 10 минути размислувајте само за еден одреден објект. Тој објект нека поседува детали кои можете да ги замислите, но истовремено треба да биде едноставен, за да го видите во вашите мисли.

Добар пример е јаболко, молив, лице на дете или животно. Одберете нешто што ќе може лесно да си го замислите. Обидете се да го визуелизирате тој предмет и држете го фокусот до 10 минути.

2. Испразнете ги своите мисли. Голем непријател на концентрацијата е ум полн со мисли. На хартија запишете ги сите работи кои треба да ги запомните и направите.

3. Визуелизирајте ги активностите. Ако пред себе имате една важна задача или цел која сакате да ја постигнете, пред да почнете со активноста, визуелизирајте ги потезите. Ова помага при концентрирањето.

4. Правете една работа во одреден временски период. Така ќе може да се фокусирате на една работа. “Мултитаскингот“ на кој се склони жените, само ќе ви одмогне и ќе ја намали вашата работна способност. Работите завршувајте ги една по една.

5. Наградете се. Пред да се фатите за работа одредете како ќе се наградите за завршената работа. Може да биде излегување со пријателите, нова книга или пак гледање неколку епизоди од најдрагата серија.