Што е подобро: Да бидете во право или да бидете љубезни?

„Тоа што мислите за мене, не е моја работа.“ – ова е реченица којашто треба добро да ја запамтите и да си ја повторувате секојпат кога некој ќе ве критикува.

Вејн Дајер, доктор по психологија и еден од најистакнатите писатели на современата мотивациона литература, открива зошто никогаш не треба да се расправате околу тоа дали сте во право или не, и дека, туѓото мислење не треба воопшто да ве засега.

Тој вели дека секогаш треба да изберете да бидете љубезни, наместо да докажувате дека сте во право, а еве и зошто:

„Единственото нешто што треба да го направите е да се ослободите од потребата за вашата репутација да остане недопрена. Не треба да ве интересира што другите мислат за вас.“

Исто така, ние имаме потреба да бидеме во право, но дали тоа е неопходно?

Секогаш велам, кога имате избор – дали да бидете во право или да бидете љубезни, секогаш изберете да бидете љубезни“ – вели тој.

„Кога некој сака да ве победи со аргументи, за да ве обвини наместо да возвратите со обвинување, запрашајте се: Што би било убаво сега да кажам? Што можам да кажам за оваа личност да се чувствува подобро?“ – советува психологот.

М. М. | Црнобело