Зависниците од кашкавал и топено сирење живеат подолго

За сите оние кои не можат да живеат без кашкавал, топено сирење... Позитивни вести - голема е веројатноста и дека ќе живеете подолго.

Според едно истражување објавено во списанието Nature Medicine кашкавалот и сирењето имаат специјални супстанци кои го намалуваат ризикот од срцеви заболувања и го забавуваат процесот на стареење.

Научниците направиле истражување на глувци и откриле дека оние кои редовно консумирале сирење, живееле подолго.

Потоа бил направен и прашалник кој бил зададен на 800 луѓе во Италија од кој се открило дека оние кои редовно консумирале кашкавал, помалку страдале од хипертензија и кардиоваскуларни заболувања.

Нивната шанса за добивање срцев удар била околу 40% пониска од оние кои не јадат кашкавал.

Па, добро е да се држите до вашето омилено јадење, но внимавајте да не претерувате, бидејќи кашкавалот содржи многу калории и масти, па може да ве здебели.

Н. Г. | Црнобело