12 апликации кои докажуваат дека иднината пристигна

Се чини дека паметните телефони и апликациите кои тие ги користат се постојан дел од нашиот живот: со нив се будиме, јадеме, се забавуваме, учиме и вежбаме.

Сепак она кое навистина мора да го признаеме е дека ако пред само неколку години на голем дел од нив гледавме како на нешто неверојатно, сега тие се веќе застарени и некорисни.

Денес располагаме со апликации кои ни покажуваат дека човечкиот развој и напредок е толку брз и динамичен, што имаме чувство дека иднината веќе ни се случува денес.

Следните апликации го докажуваат токму тоа:

1. Преведувач на детскиот плач

Со прецизност од 92% апликацијата „Infant Crying Translator“ ќе ви каже дали вашето бебе плаче бидејќи чувствува глад, болка, сака да спие или дошло време за промена на пелените.

2. Селфи преобразба

„YouCam Makeup“ е апликација која веднаш ќе ви го разубави лицето доколку решите да направите селфи фотографија. Програмата лесно ги препознава цртите на лицето, ги адаптира, коригира и прави да изгледате прекрасно.

3. „Movesum“

Оваа апликација ќе ви покаже колку чекори треба да направите за да го „потрошите“ секое колаче кое сте го изеле во текот на денот.

4. Здрави навики

„Appendix Streaks“ ќе ве потсети на добрите навики како „пиј повеќе вода“, но и ќе ви помогне да се ослободите од лошите.

5. Уредување на мебелот

Апликацијата на „IKEA“ ви дозволува да го распоредите мебелот во вашиот виртуелен апартман за да видите како најдобро би одговарал во вашиот дом.

6. Бројач на калории

„Appendix Eat This Much - Meal Planner“ е одлична замена за личен нутриционист. Ви нуди план за исхрана на ниво на ден, седмица или месец, покажувајќи ви го бројот на калории кои треба да гo внесете и нудејќи ви специфични рецепти.

7. Учење без да излезете од дома

„Khan Academy“ е одлична апликација каде можете да најдете предавања за најразлични теми - од даноци до клеточно дишење.

8. Омилена музика

„SoundHound“ веднаш ќе ја препознае песната која ја слушате, а ќе ви даде можност и вие да пеете.

9. „Fun RunPee“

Ова е апликација која ќе ви каже кога е време за тоалет додека гледате филм. Таа ќе ви посочи кога има не толку важни моменти, кои можете да ги искористите за таа важна работа.

10. Преведувач за мачки

Апликацијата содржи 170 различни мачкини звуци и може да ги трансформира вашите зборови во мјаукање.

11. Енкриптирани пораки на Messenger

Ова е апликацијата која ја препорачува Едвард Сноуден како одличен начин никој да не дознае за вашите тајни разговори.

12. Детектор за метал

Благодарение на вградениот магнетометар, оваа апликација од вашиот телефон ќе направи одличен детектор за метал.

М. С. | Црнобело