Која храна врвните готвачи никогаш не ја нарачуваат во ресторан?

„Која храна би требало да се избегнува во рестораните?“ е прашањето кое им било поставено на голем број готвачи и работници во ресторани на веб-сајтот „Quora“.

Тие како личности со искуство, од прва рака можат најдобро да ви кажат која храна е навистина добра, а со која не би сакале да експериментирате.

Ова се нивните одговори:

1. Лично, ако сум на повеќе од 30 километри од морето, тогаш не нарачувам храна со морски плодови.

2. Избегнувам да нарачувам бифтек во ресторани кои не се специјализирани за нив. Разгален сум бидејќи сум работел во многу такви ресторани, па ако не се специјализирани за тоа, најчесто се разочарувам. Исто така, избегнувам и морски плодови, освен ако не сум на место кое е познато по нив или некаде каде знам дека набавуваат свежа риба и морски плодови.

3. Ако сте во кинески ресторан, не нарачувајте храна што не е кинеска. Има причина зошто се тие специјализирани за кинеска храна. Еднаш нарачав пире од компири и добив нешто што беше составено од 75% бело брашно.

4. Еден од моите ментори ме советуваше никогаш да не нарачувам специјалитети на куќата. Според него, многу ресторани специјалитетите ги прават од остатоците од стара храна која не сакаат да ја фрлат.

5. Ако одите на риба во недела, веројатно нема да биде свежа.

М. С. | Црнобело