Галентајн е новиот Валентајн

Секако, Валентајн би било идеално да го поминете во друштво на љубовта на вашиот живот, но овој нов модерен празник е перфектен одговор на огромниот притисок да имате партнер на 14-ти февруари. 

Нè поттикнува сите нас сингл девојки да престанаме да се опседнуваме со емоционално недостапните мажи во нашиот живот и да го замениме Денот на вљубените во Ден на славење на пријателството.

Овој 14-ти, поминете го денот во друштво на вашите најдобри пријателки, кои ви се извор на безусловна љубов во вашите нај критични моменти. Без разлика на причината поради која сте одлучиле да го славите, овие Гал-ентајн совети ќе ви направат да имате најнезаборавен ден и да заборавите на Валентајн оваа година:

Почнете го денот со бранч. За време на пауза од работа или кога ќе најдете слободно време на почетокот на денот, со вашите пријателки почастете со еден доцен појадок со мимози и вашите омилени калории. Нема подобар начин да се расположите од едно утринско кратко озборување и вашата омилена храна. Направете план како ќе го прославите денот на вашето пријателство.

Можете да го прославите денот со пижама парти и еден филмски маратон со филмови кои ќе направат вашите проблеми да изгледаат смешни во споредба со тие на вашите омилени ТВ ликови. Гледајте ја пресмешната Bridget Jones , ‘романтичната’ комедија The other woman, или потсетете се на вашето омилено продолжение на филмот The Sisterhood of the Travelling Pants. Независно дали сакате да се изнасмеете или исплачете, филмскиот маратон ќе ви биде квалитетно време поминато со вашите најдобри пријателки.

Направете едно СПА дружење. Секој би сакал една СПА релаксација, посебно ако може да ја поминете во друштво на вашите најдобри пријателки. Направете план од вечерта. Одете на масажа, испробајте некој нов третман за убавина, или поминете ја вечерта покрај топол базен со коктел во рака. Посветете ја вечерта целосно на вас.

Кој вели дека подароци се купуваат само за вашиот партнер. Оваа година вие и вашите пријателки, поставете си граница колку би потрошиле и изненадете се со ситни подароци. Сепак нема поголема еуфорија од отварање на подароци.

Како и да се одлучите да го поминете денот, ви гарантираме дека овие совети ќе ви го зацврстат пријателството и ќе ви донесат еден куп незаборавни спомени. Кој знае, можеби овој ден ќе го претворите во традиција.

А. В. | Црнобело