Сите го сакаме: Нов материјал кој сам се чисти на сонце

Со помош на нанотехнологијата создаден е материјал кој со помош на светлината од сонцето или светлина од сијалица може сам да се исчисти.

Истражувачите од Кралскиот институт за технологија во Мелбурн, Австралија имаат развиено нов ефикасен и ефтин начин за справување со дамките по облеката.

Се работи за материјал кој во себе содржи наноструктури од сребро и бакар. Фунционира на тој начин што ткаенината минимално се загрева под сончева светлина при што се распаѓа органската материја, односно со енергијата се отстранува дамката од храна.

Целта на овој проект е да се усоврши начинот на создравање на ваков тип на материјали. Со тоа би се намалила потрошувачката на вода во домаќинствата, а особено би било одлично решение за луѓето кои живеат во сушни предели.

Е. А. | Црнобело