Емоционално интелигентните луѓе ретко се лутат. Зошто?

Познавате ли некој кој секојпат успева да одговори на најдобар можен начин во секој ситуација? Дури и тогаш кога емоциите се во прашање? Поточно оние емоции кои вообичаено повеќето луѓе не можат да ги контролираат?

Голема е можноста да станува збор за личност со висока емоционална интелигенција. Ваквиот тип на интелигенција се однесува на способноста поединецот точно да ги прочита и да управува со своите емоции, но и со емоциите на луѓето околу себе.

Емоционално интелигентните луѓе често и понатаму успеваат да останат смирени и во најтешките ситуации и заради тоа, нивните односи се складни.

Ова е техниката која ваквиот тип на поединци најчесто ја употребуваат:

Кога сте во ситуација која предизвикува екстремен емоционален одговор, подарете си 24 часа пред да донесете одлуки и да ги изразите вашите мисли и емоции. Кога сте под притисок, вашиот нервен систем лудува, а вашето тело го преплавуваат адреналин, кортизол и други хормони кои спречуваат да делувате на рационален начин.

Емотивно интелигентните луѓе знаат дури и во таквите ситуации да останат сталожени и мирни и настојуваат да ги контролираат своите емоции. Овие луѓе знаат дека времето е вредна алатка за решавање на проблемите.

Токму затоа, секогаш давајте си доволно време да ги разграничите и разгледате вашите емоции и разгледајте ја пошироката слика за некоја ситуација пред неконтролирано да донесувате одлуки и да дејствувате тогаш кога сте фрустрирани.

Кога некој не вознемирува, едноставно тргнете се настрана 24 часа и обидете се да ги стишите емоциите за да најдете паметен одговор на ситуацијата.

Н. Г. | Црнобело