За што всушност служат линиите на дланките?

Рацете и дланките се делови од телото кои речиси најмногу ги употребуваме, а за да се прилагодат на сите работи за кои ги користиме, како подигнување, пишување и држење, мораат да го менуваат својот облик.

Попрецизно, кожата која ги покрива мора да се прилагоди на комплексните движења.

Тука на сцена „пристигнуваат“ линиите на дланките.

Имено, овие линии уште се нарекуваат и набори или вдлабнувања кои помагаат на кожата да се растегне и потоа повторно да се собере, зависно од тоа каква активност се извршува и кои мускули на дланката се во функција.

Ако ги немаме тие линии на дланките, кожата практично би ни висела надолу кога ќе ја собереме дланката.

Погледнете подобро на својата рака и ќе забележите дека секоја линија е на место каде дланката се свива. Истото важи и за лактите, зглобовите и колениците.

Линиите кои ни ја држат кожата настануваат додека сме уште во стомак, околу 12-тата недела од зачнувањето.

Дебелината и бројот на линии на дланките зависат од генетски фактори.

Поголемиот дел на луѓето имаат три главни линии на дланката, но ако некоја недостасува, тоа може да биде знак на абнормален развој, односно на Даунов синдром или фетален алкохолен синдром и други генетски нарушувања.

Н. Г. | Црнобело