За да добиете подобра услуга во ресторан: 8 ситници кои треба да ги практикувате

Никој не сака кога во ресторан го служи некој арогантен и нељубезен келнер.

Но, иако ретко, сепак се случува, тоа однесување да биде резултат на нешто што вие не сте ни приметиле дека сте го направиле.

Со оглед на тоа што добрата услуга може да го подобри или да го уништи вашиот ручек, неколку искусни келнери откриваат мали ситници кои  може да го подобрат вашето излегување во ресторан.

Ќе си олесните ако ги применувате овие работи:

Не му отежнувајте на домаќинот

Да, чекате 12 минути за маса, а ви кажале дека ќе се ослободи за 10. Ужас. Но, тие не се виновни за тоа што претходните гости одлучиле дека сакаат и десерт, а нормално дека не може да ги „избркаат“ за вие да седнете. И вие не би сакале некој да ве избрзува во десертот.

Нарачувајте сите во исто време

Ако некој на вашата маса има потреба од уште некоја минутка за да се одлучи, тоа е сосема во ред. Само кажете му на келнерот дека ќе го викнете кога ќе одлучите, за тој да не мора да го губи времето врткајќи се околу вашата маса.

Така нема да ви прави притисок, ќе може да послужи други гости за тоа време и плус, ќе ви го донесат јадењето во исто време на сите.

Разгледајте го добро менито пред да нарачате

Ако сѐ уште го прелистувате менито, двоумејќи се помеѓу пилешки прсти или пица, побарајте му на келнерот уште малку време да размислите, или пак прашајте го што би ви понудил тој/таа.

Читајте ги состојките

Ако сте алергични на повеќе работи, читајте ги добро состојките на јадењата во менито. Ако нешто ви е нејасно, прашајте го келнерот пред да го подготват јадењето во кујна, за потоа да нема забуни и дополнителни проблеми.

Вие сами си одговарате за последиците доколку во менито ги пишува сите состојки.

Не ги оставајте сите ваши работи на масата

Направете место за храната. Келнерот ги носи сите работи кои сте ги нарачале и има само 2 раце, па затоа бидете културни и тргнете ги сите работи кои ви стојат на масата.

Не ги зазборувајте келнерите со приватни разговори

Избегнувајте да ги прашувате вработените за нивниот приватен живот од 3 причини: прво, тие се зафатени и имаат работа, второ - некултурно е и трето, не е ваша работа. Тие се тука само за да ве услужат, па затоа не им го одземајте времето ако сакате подобра услуга.

Поделете си ја сметката меѓу вас

Можеби вас не ви изгледа на тешка работа да ви дадат посебна сметка за секој да го плати своето, но зависно од системот кој го има ресторанот, тоа може да биде комплицирана работа, посебно кога има гужва.

Бидете љубезни

Не ги заборавајте магичните зборови: „ве молам“ и  „благодарам“. Многу често гостите забораваат да ги кажат овие зборови, но љубезноста и културното однесување, никогаш не пречат. Ако вие сте љубезни и персоналот ќе биде со вас.

М. М. | Црнобело