Сѐ уште не сте виделе сѐ: 5 работи кои вреди да знаете како се прават

Секојдневно сме опкружени со стотици работи кои ги користиме и консумираме, но никој од нас не се запрашал како всушност се направени тие производи.

Знаете ли како изгледа процесот на производство на кармините, сапуните, чоколадото или маскарата?

Погледнете ги овие кратки видеа со објаснување, што барем малку ќе ви го доближат процесот на создавање на овие работи, пред финалниот производ да дојде во нашите раце:

Кармин

• Карминот обично содржи 5 состојки: ланолин, масло, восок, боја и седеф.
• Се користат многу бои за овој производ, вклучувајки жолта, црна и сина. Боите се мешаат за да се добијат различни нијанси.
• Кармините се секогаш парфимирани. Ако не се парфимираат, ќе имаат мирис на восок од свеќа.

Чоколадо

• Чоколадото се прави од зрна од какао, кои се собираат, се чистат и ферментираат во специјални кутии 8 дена. Потоа зрната се сушат и испраќаат во фабриките за чоколадо.
• Таму зрната се сортираат и печат, па се мешаат со млеко и шеќер. Потоа, чоколадото се вари околу 12 часа.
• Температурата и влажноста се постојано набљудувани во секоја фаза на производството, бидејќи тоа влијае на изгледот и вкусот на финалниот производ.

Маскара

• Главната состојка на секоја маскара е пигмент. Други вообичаени состојки се вода, восок и масла.
• Во зависност од целта на маскарата, се менува и нејзиниот состав. На пример, ако е за издолжување на трепките, тогаш содржи многу флексибилни полимери и микрофибер, додека пак водоотпорната содржи многу парафин.

Сапун

• Основни состојки на сапунот се масла и масти.
• Варењето на сапунот наликува на варење на супа. Тие кои го прават сапунот, постојано гледаат да не претече и ја мешаат смесата со посебна лопата. Откако ќе се свари, сапунот стои 36 часа за пастата од сапунот да се смири и зацврсти.

Чипс

• За добар чипс е потребен и добр одбран компир, а не било каков. Малите компири исто така нема да завршат работа. За да се направи чипс од 500 грама, потребно е речиси 2 килограми компир.
• Компирот се сече на парчиња не подебели од 1.33 милиметри и потоа се пржат само 3 минути.

М. М. | Црнобело