Ресторан во Лондон за сите што се опседнати со сликање на храна за Инстаграм

Ако сте и вие од оние кои сакаат да ја сликаат храната во ресторани за да ја објават на Инстаграм, тогаш сигурно знаете колку тоа може да биде тешко ако сте перфекционисти.

Веројатно ви се случило да не им дозволувате на другите на масата да почнат да јадат додека вие не ја направите совршената фотка.

Па, дури и ако некогаш тоа значи да се пресрамите и да станете за да ја „фатите“ цела маса во кадар.

Токму поради ова, ресторанот Dirty Bones во Лондон дошол до одлична идеја да им се приближи на љубителите на Инстаграм со тоа што ќе им помогне во сликањето нудејќи им целосна опрема која е потребна за тоа.

Инстаграм опремата вклучува ЛЕД светло за камерата, полнач за различни уреди, додаток за поширок агол на објективот и статив со селфи стапче за фотки од над масата кои ќе изгледаат одлично.

Кој не би посакал да го има ова и кај нас?

Од ресторанот велат: „Луѓето сакаат да споделат што јадат на социјалните мрежи, па сакавме да им излеземе во пресрет и да направиме нешто со што ќе им помогнеме да ја добијат беспрекорната фотка, независно од светлината или периодот во денот.“

„Исто така, сѐ повеќе луѓето го користат Инстаграм за да им помогне да дознаат каде да јадат кога немаат идеја, па вака ние можеме да бидете сигурни дека сите ќе добиваат најдобар приказ од нашата храна и пијалаци.“ – продолжија од ресторанот.

М. М. | Црнобело