Спонзорирано од:
Спонзорирано од ОгласиЗаРабота.мк
Возач 08-08-2022
Технолог 08-08-2022
Шивач/ки 08-08-2022


Не одите на одмор? 6 идеи со кои ќе си поминете убаво и дома

Ако не успеавте да заштедите за одмор летово или одлучивте да останете дома за слободните денови, нема потреба да очајувате.

ne-odite-na-odmor-6-idei-so-koi-kje-si-pominete-ubavo-i-doma-01.jpg

Знаеме дека море си е море, но сепак можете да си поминете убаво и да се одморите и дома.

Ви предлагаме неколку идеи:

Откажете ги обврските

Ако не сте во друг град или држава, не значи дека сте им достапни на сите во секое време и треба да ги завршите сите можни обврски. Правосмукалката може да почека уште некој ден, мејловите од работа не мора веднаш да ги проверите.

Читајте книга, списанија, поспијте си до подоцна и одморете од секојдневните обврски во работните денови.

Исклучете го мобилниот

Знаеме дека е тешко, но обидете се барем на еден ден или на неколку часа да го исклучите мобилниот. Нека не ви стигнуваат пораки и нотификации нон-стоп.

Посветете се на себеси и правете нешто во кое навистина уживате. Викнете ги пријателите на кафе, направете си вкусен ручек, прошетајте некаде, изборот е ваш.

Одете на пикник

За пикник не се потребни многу пари, па лесно можете да го организирате. Сами или во друштво, направете си сендвичи, кафе или сок и тргнете во потрага по интересно место за пикник.

Убаво е понекогаш наместо во градските кафулиња, да бидете поблиску до природата, особено ако живеете во град.

ne-odite-na-odmor-6-idei-so-koi-kje-si-pominete-ubavo-i-doma-02.jpg

Одете на туристичка прошетка низ градот

Ако некој странец ве праша кои се најважните знаменитости во вашиот град, сигурно за некои од нив ќе се помачите со одговорот.

Постојат места што уште не сме ги виделе или не сме ги доживеале на вистинскиот начин во местата во кои живееме или во нивна непосредна близина, па убаво би било да ги разгледате. Не заборавајте да направите супер фотки.

Ангажирајте некој да ви ги причува децата

Баби, пријатели или дадилка, викнете некој на помош околу децата за да можете и вие малку да одморите. Однесете ги децата кај нив и останете дома сами и во тишина.

Понекогаш ни е потребно некое време да бидеме сами, па дури и без нашите најблиски.

Ден за себе

Посветете го денот на себе - одете на масажа, на шопинг, во кино или каде било каде ќе се почувствувате одморено и опуштено.

Правете некоја активност која навистина ќе ви ги одмори телото и душата, а мозокот исклучете го за да не „прегори“ од напорната работа преку годината.

М. В. | Црнобело

Би можело да ве интересира:

16 луѓе откриваат кој е моментот кога сфатиле дека веќе не се млади 20-годишно момче ме нарече госпоѓа и ми го скрши срцето; Си купив нов џогер и ед...
Водич за „добри сопруги“ од 1950-та: Не се жалете ако мажот дошол доцна, соблечете му ги чевлите Секогаш имајте подготвена вечера, бидете свежи кога ќе дојде сопругот и поправет...
Корисни предмети што нашите баби и дедовци ги немале, а ние ги земаме „здраво за готово“ Првите машини за перење облека погодни за домашна употреба се појавиле во 1937 г...

Најчитани неделава

sonovnik-sidebar.jpg