Во лимоните има најмногу витамин Ц: Митови во кои веруваме заради рекламите

Рекламите понекогаш имаат голема манипулирачка моќ, бидејќи можат да нѐ натераат да веруваме во сѐ што ќе прикажат – секако, ако тоа е добро смислено и спакувано.

Нивната цел е да ја направат реалноста таква каква што ним им одговара и понекогаш да ја прикријат вистината.

Со тоа го постигнуваат посакуваниот резултат – потенцијалниот купувач да си помисли дека мора да го купи производот.

Но, сте помислиле ли дека не е сѐ како што ни го прикажуваат?

Прочитајте ги овие митови и дознајте која е вистината зад нив:

Цитрусно овошје – најдобриот извор на витамин Ц

Вистина: Во свежите шипки има околу 650mg/100g, во црвениот пипер – 250mg/100g, па дури и рибизлата има повеќе витамин Ц од цитрусните овошја – 200mg/100g.

Како настанал митот: Во 1908-ма, индустријата на портокалите била во загуба, а производителите немале време да продаваат големи количини овошје. Алберт Ласкер дошол до идеа и направил кампања во која предложува да се прават сокови од портокал за појадок, како извор на витамин Ц.

Разгледниците и картичките се даваат само со подарок

Вистина: Подарокот воопшто не е неопходен.

Како настанал митот: До почетокот на 20-ти век, разгледниците се испраќале само по пошта, а благодарение на реклама на Hallmark, тие сега се даваат лично како додаток на подарокот. Во рекламата се укажува на фактот дека е убаво ако напишете зборови од срце кои човекот ќе ги помни долго.

Пастата треба да се нанесе на цела четка

Вистина: Само малку паста е сосема доволно.

Како настанал митот: Целта на сите реклами е да се зголеми продажбата, па така е и во овој случај. Во секоја реклама за паста за заби се нанесува голема долга лента на четката, за да го практикувате и вие тоа и побрзо да ви се троши.

Постои растително масло со лош холестерол

Вистина: Ниту едно растително масло не содржи холестерол.

Како настанал митот: Уште еден маркетиншки трик за зголемување продажба. Натписот „Не содржи...“ ги привлекува купувачите да го купат уверувајќи се дека купуваат производ со посебен квалитет.

Јајца и сланина – идеален појадок

Вистина: Не постои истражување за влијанието на сланината во појадокот врз телото.

Како настанал митот: Во 1920-ите, познат ПР менаџер добил задача да ја зголеми потрошувачката во САД. Тој направил истражување каде било потврдено дека побогатиот појадок е подобар од послабиот. Па, ако појадокот треба да е задоволувачки, тогаш нека има повеќе сланина – според логиката на купувачите.

Постојат аналгетици за намалување болка кај жените

Вистина: Постојат комплексни лекови кои истовремено содржат аналгетско и антиинфламаторно својство.

Како настанал митот: Болките за време на менструален циклус кај жените се многу чести, а производителите на лекови не ја пропуштаат шансата да заработат на тоа. Обичните лекови како аналгетици и парацетамол се евтини и достапни, но попрофитабилно е да се продаваат истите состојки, но во различно пакување на кое пишува „подобрена формула за менструални болки“.

Гумени бонбони – слатки за деца

Вистина: Содржината на гумените бонбони се состои од шеќер, скроб, прехрамбени бои, но не и овошје. Друга измама е тоа што некои од зелените гумени бонбони немаат вкус на јаболко, туку на јагода.

Како настанал митот: Со детскиот изглед и форми на самите бонбони, се создава слика дека тие се за деца, а всушност не се толку здрави и треба да се избегнуваат, а посебно за децата.

М. М. | Црнобело