113 кафиња, 85 чоколади: Навидум безопасни намирници кои во голема количина се смртоносни

Отровот е насекаде и нема ништо без него. Дозата која се содржи во одредените производи може да ги направи отровни или лековити.

Понекогаш на сите ни се случува да претераме со јадење одредена храна или пиење некои пијалаци.

Сепак, добро е да знаете дека има намирници кои треба да се јадат во ограничена количина, бидејќи во спротивно може сериозно да му наштетат на здравјето, па дури и да бидат смртоносни.

Секако, за да стигне до таков непосакуван ефект треба многу голема количина на консумирање, која речиси никој не ја достигнува, но добро е да бидете запознаени со ова.

Погледнете колкава количина од овие намирници може да биде отровна и смртоносна.

Сите податоци за количината важат само за консумирање одеднаш, а не во подолг одреден период.

Вода

Сите знаете дека е препорачливо да се пие по 2 литра вода на ден. Но, ако пиете 3 пати повеќе, вашите бубрези нема да можат да испроцесираат толку многу течност и да ја извадат од организмот.

Ова може да предизвика сериозни здравствени последици како мозочен оток или респираторен арест. Така што, да, може да се отруете од вода, но само доколку оваа количина ја испиете одеднаш.

Кафе

14 грама кофеин може да биде смртоносна доза, а тоа се отприлика 113 шолји кафе од по 250 ml. Ако оваа доза се испие одеднаш, човекот нема да биде предозиран со кофеин, туку ќе биде усмртен од интоксикација со вода – 113 шолји се речиси 30 литри вода.

Па, освен ако не грицкате зрна кафе и не пиете толку голема количина кафе на ден – безбедни сте!

Чоколадо

Чоколадото содржи мала количина на теобромин. Овој алкалоид е многу моќен и може да му наштети на централниот нервен систем, но за тој ефект треба да бидат изедени 9 килограми чоколадо на едно седнување.

Ова прво ќе доведе до гадење и дијареја, потоа епилептичен напад, внатрешно крвавење, срцев удар и на крај – смрт.

Алкохол

За здрав човек, смртоносна доза би било 1.25 литри или 40% алкохол (отприлика околу 27 чашки). Но, ова би се случило само доколку бидат испиени сите во рок од 1 час и не бидат повратени.

Цигари

Ако земете предвид дека стандардна цигара содржи околу 0.8 mg никотин, 75 цигари испушени за еден ден може да ве уништат целосно.

Семки од јаболко

Ако изедете 18 јаболка нема да ви направат нешто толку сериозно, но ако ги извадите семките од нив, ги здробите, изџвакате и голтнете, постои можност за смрт бидејќи тие содржат цијанид.

Банани

Бананите содржат калиум, а ако се предозирате со него, тоа може да биде смртоносно. Но, за ова да се случи, треба да изедете 400 банани одеднаш.

Портокали

За да се предозирате со портокали, би требало да изедете околу 11.000 портокали одеднаш. Невозможно.

Сол

Нормална дневна доза на сол е 2 грама. Смртоносна доза на сол е 255 грама одеднаш или во еден оброк, а тоа се отприлика 48 лажички.

Чили пиперка

За некој да добие таков негативен ефект од чили пиперката кој ќе резултира со смрт, треба да изеде 130 лажици. Веројатно никој не би издржал толку луто.

Шеќер

Фатална доза на шеќер е 24 килограми одеднаш, што е еднакво на отприлика 500 лажички шеќер.

Паста за заби

Теоретски, би требало да изедете околу 24 туби паста за да предизвикаат негативен ефект кој ќе заврши со смрт.

М. М. | Црнобело