9 трикови со кои продавниците нè тераат да трошиме повеќе

Колку пати сте влегле во продавница по една работа, а сте излегле со 3 кеси и минимум 10 работи во нив кои не ви биле на списокот? Одговорот е многу често, јасно ни е.

Но, зошто? Што е тоа што „магично“ ве тера да ги трошите парите на работи кои не ви се неопходни?

Веројатно некој од овие 9 трикови:

1. Ситници на каса

Излезите на касата се намерно тесни и полни со секакви ситници, за времето додека чекате да дојдете на ред да го „искористите“ за разгледување и докупување работи кои инаку не ви требаат.

2. Одмор без реален одмор

Во рестораните во трговските центри намерно има мал простор помеѓу масите и неудобен мебел. Гужвите кои се создаваат и неудобните столчиња ве тераат да се најадете на брзина, без да им заземате простор непотребно.

3. Нема прозорци и часовници

На овој начин продавниците ве тераат да заборавите на реалноста и да се загубите временски. А, колку повеќе време поминувате внатре, за нив тоа значи пари.

4. Удобни продавници

Пријатна музика, пријатно осветлување и прегледно наредени рафтови се она со што продавниците визуелно ве прелажуваат за да останете подолго.

5. Магични огледала

Во гардеробите намерно има осветлување кое ви го затемнува тенот, огледало кое ви ги издолжува нозете и придушено светло под кое сè изгледа совршено. Затоа кога ќе се вратите дома фустанот не ви стои идентично.

6. Релокација на продукти

Ако одреден продукт стои на одредено место подолг период, а потоа биде преместен, логично дека купувачот ќе го сврти цел маркет за да го пронајде. Така попатно ќе видите уште барем 3 работи кои не ви требаат, но ќе ги ставите во кошничка.

7. Паметно осветлување

Токму затоа овошјето и зеленчукот ви изгледаат многу посочно на полица во маркет, отколку дома во фрижидер.

8. Дупки во полиците

Ова е трик кој се користи за да му докаже на купувачот дека „производот е толку добар, што е при крај.“ Вработените намерно ги оставаат тие дупки во полиците за да делува дека производот се троши со брзина на светлината.

9. Поскап vs. поевтин производ

Замислете си дека имате два бокали за топлење вода еден до друг. Едниот има цена 3.099 денари, а другиот 2.099 денари. Контрастот на цената ве тера да посегнете по „поевтиниот“, без да знаете дека се работи за идентичниот бокал, со некоја ситна разлика во дизајнот. На сликата пример, тоа е црвената линија на рачката.

М. Д. | Црнобело