5 тајни кои магионичарите никогаш нема да ви ги откријат

Обично дечињата веруваат во чуда и магии. Но, кога пред вас ќе се појави човек кој минува низ друго човечко тело или човек кој голта игли, мали се шансите да не се посомневате дека магијата сепак постои.

За жал, ве разочаруваме. Сè е до добро смислените трикови и илузии.

Еве неколку кои магионичарите ги користат, но никогаш гласно нема да ги признаат:

1. Еден човек поминува низ друго човечко тело

Магичниот трик изгледа вака: Има рамка и човек кој стои вертикално во средина. Во средниот дел има мала завеса. Друг човек поминува „низ телото“, хоризонтално.

Тајната е: Рамката е права, меѓутоа човекот кој стои вертикално има простор да го помрдне торзото.

2. Риба во вода

Магичниот трик изгледа вака: Магионичарот покажува празно шише со вода. Го покрива со марамче, кажува неколку магични зборови, и кога марамчето ќе го тргне – има риба во шишето.

Тајната е: Едноставно, има капаче на кое стои рибата. Капачето го трга заедно со марамчето и рибата паѓа во шишето.

3. Магично столче

Магичниот трик изгледа вака: Илузионистот седнува на столче. Асистентот го трга столчето, додека илузионистот продолжува да седи како ништо да не се случило.

Тајната е: Постојат посебни дизајни кои илузионистите ги имаат на нозете и на кои можат да се потпрат како на стабилно столче.

4. Фаќање куршуми со уста

Магичниот трик изгледа вака: Во илузионистот се пука со пиштол, но не му е ништо, бидејќи е доволно вешт и брз да го фати куршумот со уста.

Тајната е: Куршумите кои се испукуваат се направени од восок. Во моментот кога се пука, тие се топат. Во исто време, магионичарот од уста вади вистински куршум, скриен под јазикот.

5. Човек натакнат на остра шипка

Магичниот трик изгледа вака: Илузионистот лежи натакнат на остра шипка и публиката мисли дека е забоден во средината на телото.

Тајната е: Шипката се дели на два дела и на долниот има механизам кој го држи телото да може да „левитира“. Вториот дел е закачен со механизам за стомакот на човекот.

М. Д. | Црнобело