Џем од косата на принцезата?!

Уметникот Сем Бомпас тврди дека наоравил џем од косата на принцезата Дајана. Својот "култен џем" како што тој го вика, ќе го претстави на уметничката...

 

...изложба во Лондон. Бомпас тврди дека џемот го направил од неколку влакна од косата на починатата принцеза, кои ги помешал, меѓудругото, со млеко и шеќер.

Прамените од косата уметникот ги купил преку eBay за 10 долари од еден колекционер кој собира коса од славни личности, кој на заинтересираните купци им продава само по неколку влакна.

Уметникот вели дека идејата била да се направи необичен џем, кој ќе ги потикне луѓето да размислуваат за маркетингот во прехрамбената индустрија и за тоа како рекламите имаат големо влијание на нашиот секојдневен избор на храна.

На каква ли идеја за "маркетиншки трик" овде станува збор, веројатно само уметник може да знае!

Тешко дека некој би јадел нечија коса во џем...