Не канат гости, немаат тоалет: Чудни факти за домаќинствата во одредени делови на Кина

Добро е познато дека за да ја запознаете културата на еден народ, не е доволно само да ја посетите земјата и да видите како луѓето се однесуваат.

Сѐ додека не поминете подолг период на едно место и да го видите секојдневието и начинот на кој живеат тие луѓе, нема да знаете како тоа изгледа.

Па, така е случај и со Кина. Многумина кои останале да живеат подолго време во некои делови од оваа земја, се изненадиле од искуството кое го преживеале.

Според нивните сведоштва, Кинезите живеат многу поразличен живот од нас. Секако, можеби оние кои биле во Кина ќе се спротивстават на овие факти, но Кина е огромна земја.

Тоа е земја во која жителите на две соседни села може да не се разберат бидејќи зборуваат различни дијалекти. Кина е земја каде храната од еден град не може да се најде со сигурност и во друг.

Овие работи не важат за цела Кина, туку за одредени делови на земјата каде луѓето ги доживеале следниве искуства:

Кинезите ретко канат гости дома

Ова е премногу комплицирано бидејќи ручекот се состои од многу оброци, па кога пријателите се собираат, тие одат во ресторан. Евтино е, дури и ако го земете предвид фактот што тој што кани, плаќа за сите.

Во некои места во Кина, одличен ручек за 5 луѓе чини околу 50 евра.

Многу домаќинства немаат тоалет и бања

За разлика од нормалните згради со станови кои се мултифункционални (како и нашите), на некои места во Кина има многу домови кои личат на кутија.

Ентериерот е едноставен, само 2 работи се задолжителни – симболи напишани на вратата кои значат „со среќа“ и портрет од Мао Це Тунг во најголемата соба.

Тоалетите се наоѓаат надвор и немаат туш, па луѓето кои живеат во вакви домови, често се бањаат на работа.

Дури и ако има тоалет, нема тоалетна школка

Дури и во модерните станови, нема традиционални тоалетни школки на кои сите сме научени. Наместо тоа, имаат чучавци, а Кинезите мислат дека тие се подобри за дигестија.

Јавен тоалет - нема школка, но има телевизор

Немаат тоалетни школки во домот, но имаат во ресторани

Ова е познат ресторан во Шангај каде гостите седат на „тоалетни школки“.

Водата од тушот тече на подот

Када има само во скапите хотели и во домовите на богатите луѓе во големите градови кои можат да си го дозволат тоа. Останатите, користат само туш од кој водата тече директно на подот.

Кујните се многу мали

Мали и тесни. Има доволно место само за мијалник, неколку шкафчиња и шпорет кој најчесто работи на плин.

Новите домови се прават без прозори

Кога нови сопственици купуваат некој стан, тие мора сами да си наместат стакло на прозорците. Затоа често може да се забележат празни дупки наместо прозори на околните балкони.

Независно од спратот, прозорците и балконите се заградени

Кинезите велат дека поставуваат решетки за да спречат паѓање на децата, а не за заштита од кражби. А, речиси секој станбен комплекс има сопствено обезбедување и порти кои се затворени во текот на ноќта.

Нема централно греење

Во некои делови од Јужна и Централна Кина во домовите дури нема воопшто греење. Зимските температури се движат од 0-10⁰С и Кинезите не се гржат многу за тоа. Едноставно, дома седат во истата облека што ја носат надвор.

М. М. | Црнобело