Мора да имаат 2 деца и да ја следат кралицата: Строги правила во кралското семејство

Одлично е кога семејството има посебни навики и традиции кои сите членови ги почитуваат.

Но, кралското семејство, секогаш е на врвот на листата по бројот на правила по кој мора да го живеат животот уште од најмала возраст, па сѐ до крајот на животот.

Тие имаат правила за стапување во брак, за воспитување, посебни традиции кога станува збор за децатата, но и општи правила за однесување и начин на живот.

За ова семејство секогаш дознаваме нешто ново, па погледнете некои правила кои можеби досега не сте знаеле дека тие ги следат:

Најмалку 2 деца

Традиционално, членовите на кралското семејство имаат најмалку 2 деца. Оваа традиција трае повеќе од 60 години, но никој не може да му забрани на парот да има 3-то или 4-то дете.

Правилен став

Жените од кралското семејство не смеат да седат како што сакаат. Правилно се седи со споени колена. Исто така, зглобовите може да се прекрстат и колената да се свиткаат малку на страна.

Посебен ред

Кралското семејство оди наоколу по одреден ред. Па така, сопругот на кралицата Елизабела II, не може да оди покрај неа, туку секогаш е малку позади неа.

Исто така, постои посебен ритуал и за седењето – прво седнува кралицата со војводата од Единбург, Филип, потоа принцот Чарлс и неговата сопруга, а по нив принцот Вилијам и војвотката Кејт.

Сите ја следат кралицата

На големи приеми, сите се водат по однесувањето и постапките на кралицата, посебно кога таа јаде, бидејќи кога ќе заврши, сите мора да завршат во исто време со неа, што сигурно досега веќе го знаевте.

Пиење чај

Сите знаеме дека во Велика Британија сите се опседнати со пиење чај и тоа е традиција која ја следат сите. Но, кога се работи за кралското семејство, постои и правило за држење на шолјата со чај.

Држачот на шолјата треба да се држи со врвот на палецот и останатите прсти, но прстите не треба да влезат во празнината.

Облека за деца

Друго веќе познато правило е следново – долги панталони носат само возрасните, а децата носат само шорцеви. Овој дрес код се почитува барем до 8-мата година, а причината сме ја дискутирале претходно.

Лактација

Сите деца на кралското семејство треба да се дојат од нивната мајка, но ова правило го прекршила кралицата Викторија, која сметала дека доењето ги прави жените глупави.

Роденден на кралицата

На прославата по повод роденденот на кралицата, буквално сите членови на семејството треба да бидат присутни. Не е важно дали некој се породил или испланирал да оди на одмор или патување, исклучоците се речиси невозможни и сите треба да дојдат на настанот.

Лојални дадилки

Пред да се најми некоја жена како дадилка за кралските деца, семејството ја испраќа на посебни обуки и курсеви, но не за да ги подобри нејзините вештини за чување дете, туку за да ја научат на сите безбедносни мерки, па дури и на некои боречки вештини.

Одбивање пелени

Можеби е чудно, но кралското семејство не користи пелени за децата, туку користи ткаенина наместо пелена. Иако има исклучоци како на пример принцот Вилијам за кој се користеле пелени еднократна употреба.

М. М. | Црнобело