Зошто принцот Џорџ секогаш носи шорцеви?

Детали

среда, 05 октомври 2016

Кога принцот Џорџ ќе се појави некаде, фотките од настанот веднаш се прошируваат низ целиот свет, па токму затоа важи за најпознатото 3-годишно дете.

Сосема нормално, со интересот за неговото семејство, доаѓаат прашањата поврзани и за него. Како на пример, зошто секогаш носи шорцеви?  Па дури и во студената Канада, на турнејата која ја завршија пред само неколку дена.

Причината конечно е откриена, а се работи за традиција на високата класа, аристократијата, која гласи дека кралските мали момчиња мора да бидат постојано во шорцеви.

„Панталоните се за поголеми момчиња и мажи, а шорцевите се знак дека детето е припадник на високата класа од Англија. И ниту еден аристократ кој има голема самопочит не смее да се противи на тоа. Дури и принцот,“ објаснува еден експерт за примерно однесување.

Ако ги погледнете старите фотки од принцот Вилијам и Хари, ќе сфатите дека оваа традиција е присутна со години, односно векови, па дури и кога нивните татко и мајка се по долги ракави и панталони, малите деца се смета дека не се доволно пораснати за да ги заменат шорцевите.

Кралските деца носат шорцеви до околу 8-та година.

М. Д. | Црнобело