Имаат повеќе имиња, 6 кумови и сведок на раѓањето: Традиции за кралските деца

Не секој ден се раѓа кралско дете, па нормално дека кога војвотката Кејт Мидлтон и принцот Вилијам објавија дека очекуваат трето дете сите беа возбудени.

Досега сме зборувале за некои општи правила во кралското семејство и правила за стапување во брак со членовите на истото, но сигурно не сте ги знаеле правилата и традициите кои постојат за децата родени во британското кралско семејство.

Некои од нив имаат смисла, други пак, немаат никаква поента, па можеби затоа одредени членови ги прекршуваат.

Дознајте кои се тие:

Жените се пораѓале во домот

Со години, членовите на кралското семејство се породувале дома. Така била родена кралицата Елизабета, а и таа самата нејзините синови ги родила во Бакингемската палата.

Сепак, принцезата Дијана почнала нова традиција

Принцовите Вилијам и Хари биле родени во болницата St. Mary во приватен дел, а во истата болница се родени и принцот Џорџ и принцезата Шарлот. Сепак, можно е Кејт да се врати на старата традиција и третото дете да го роди дома.

Во породилната сала мора да има сведок

Ова барање за сведок при породувањето постои за да има некој да потврди дека раѓањето на кралско дете навистина се случило. Овој обичај завршил пред раѓањето на принцот Чарлс.

Татковците не смееле да присуствуваат на породувањето

Со векови постоело правилото дека породувањето е настан само за жени и татковците чекале надвор, сè до раѓањето на принцезата Шарлот.

Кралските деца учеле од дома

Кралицата Елизабета била домашно школувана, но војвотката од Кембриџ одлучила принцот Џорџ и принцезата Шарлот да ги пушти во училиште.

За државни училишта не станувало ни збор

Принцот Џорџ неодамна започна да оди во елитно приватно училиште во Лондон.

Принцезата Дијана прва го прекршила правилото за државно училиште

Принцот Вилијам бил прв наследник на тронот кој одел во државно училиште.

Бабите и дедовците кои не се кралски членови биле запоставени

Сепак, ова правило е променето во модерно време. Во минатото кралските деца биле спречени да се зближуваат со баба и дедо ако не се членови на британското кралско семејство.

Соопштение за раѓање на дете е прикажано на триножник пред Бакингемската палата

Сепак, Кејт одлучи раѓањето на принцот Џорџ да го соопшти преку имејл и Твитер пред да биде поставено на триножникот.

Соопштението се пишувало рачно, а сега се куца

Докторите во болницата го потпишуваат и се доставува до палатата со автомобил.

Кралските деца имаат 3-4 имиња

Целосното име на принцот Џорџ е Џорџ Александар Луис, а на принцезата Шарлот – Шарлот Елизабет Дијана.

Кралските деца имаат официјална титула

На пример, точна титула кога се обраќате на кралско дете е Негово/Нејзино височество принц или принцеза (името) од Кембриџ.

Кралицата мора да биде меѓу првите луѓе известени за раѓањето

Според протоколот, принцот Вилијам од шифриран телефон ѝ се јавил на неговата баба за раѓањето на принцот Џорџ.

И татковците добиваат отсуство

Принцот Вилијам добил неплатено „татковско отсуство“ за раѓањето на двете деца.

Кралските деца имаат свои миленици

Принцот Вилијам е фотографиран со неговото пони во детството.

Полот на детето не се открива пред раѓањето

Оваа традиција не е прекршена дури ни од принцот Вилијам и војвотката Кејт Мидлтон.

Крштевањето е неколку дена или недели по раѓањето

И ова е нивното прво јавно појавување, иако најчесто пристапот на медиумите им е забранет.

Кралските деца имаат околу 6 кумови

Принцот Џорџ има 7, а принцезата Шарлот 5 кумови.

Но, и покрај сите традиции, понекогаш некои правила е во ред да се прекршат

М. М. | Црнобело