82-годишната Бет Неш со 60 години кариера е најстарата стјуардеса на светот

Таа изгледа прекрасно во 9-тата деценија од животот, а нејзината желба за работа и живот е заразна.

Бет Неш има 82 години и веќе 60 години работи во авио компанијата „American Airlines“. Нејзината љубов и страст кон работата направија таа 6 децении без проблем да функционира во кариерата. Нејзината одлична енергија и насмевката ѝ се заштитен знак.

Многу луѓе кога патуваат сакаат да направат селфи со стјуардесата легенда. Бет навистина изгледа прекрасно и безвременски во нејзината униформа. Таа е ѕвезда на секое патување, дури и поголема од капетанот. Патниците ѝ се воодушевуваат кога ја ќе запознаат и за нив е вистинска инспирација.

Моментално живее во Вирџинија и се грижи за својот син со посебни потреби. Најчесто патува на линијата Вашингтон-Бостон-Вашингтон.

Таа ја започнала кариерата на 21 година, а тогаш летањето со авион било приоритет само на елитата. Сите што можеле да си го дозволат тој луксуз, биле неверојатно добро облечени и немало патување со патики и влечки како денес, открива Бет.

Униформата на Бет доживеала низа промени, но таа во сите изданија изгледала беспрекорно.

Кога ќе ја прашаат за плановите за пензионирање, Бет вели дека не сака да размислува за тоа.

Оваа посветена и вредна жена дефинитивно е вистинска инспирација.

С. С. | Црнобело