6 едноставни правила кои ќе ви го олеснат животот во различни ситуации

Психолог од Русија, Михаил Лабковски, не се срами да признае дека посакал да се стекне со знаењето од професијата која ја одбрал со цел да си помогне прво себеси за своите проблеми. 

Тој успеал да се справи со нив, и како резултат на неговото 30-годишно искуство и набљудување, тој формулирал 6 животни правила.

Психологот тврди дека овие правила навистина помагаат да се надмине и неврозата како ментална состојба.

Погледнете кои се правилата до кои треба да се придржувате ако сакате животот да ви биде полесен и да немате непотребни непријатни ситуации и проблеми.

6 психолошки принципи:

Правило бр.1: Правете го само тоа што го сакате

Ова е главно правило – правете ги само работите кои сакате, а ова важи за сите животни ситуации. Независно дали е избор за појадок, дали е животна одлука поврзана со брак, деца или пак промена на работата.

Слушајте го срцето и правете што сакате. А, ова правило е најдобро да се следи уште од најмала возраст за така да се развие психата.

Па, доколку имате дете, првиот чекор за да го научите на тоа е со прашањата: „Што сакаш да јадеш/да правиш сега/да носиш?“.

Правило бр.2: Не го правете тоа што не сакате

Слично на првото правило, треба да се следи и ова – никогаш не прифаќајте да правите нешто што не сакате и не ве прави среќни. Посебно доколку заради тоа претрпувате стресови, нервози и му наштетувате на здравјето.

Размислувањето од типот „Не сакам, ама морам да го направам тоа“ води до такви последици.

Правило бр.3: Не премолчувајте ако нешто не ви се допаѓа

Многу често луѓето премолчуваат нешто што не им се допаѓа и го наталожуваат бесот во себе па потоа се расправаат сами со себе во својата глава.

Без разлика со кого разговарате и за што, секогаш е подобро да кажете што не ви се допаѓа и да дадете алтернативно решение, отколку да премолчувате и да правите поголем проблем кој се таложи.

Но, посебно во врските, работите кои ви пречат треба да ги кажете еднаш, ако нема никаков фидбек, не вреди да се борите.

Правило бр.4: Не одговарајте без да ве прашаат

Изјавите како „Уморен/а сум, Готов/а сум, Ужасен/а си“ и сл. не се прашања и никогаш не треба да одговарате на нив.

Со нив луѓето сакаат да ве испровоцираат да ги прашате што им е, зошто се жалат, односно манипиулираат со вас.

Затоа, никогаш не одговарајте на вакви изјави кои не се прашања бидејќи во спротивно, ќе си направите непотребен проблем.

Правило бр.5: Одговарајте кратко и јасно на прашањата

Ако ви постават јасно прашање и одговорите само на тоа со краток и јасен одговор, ќе изгледате уверливо. Но, ако продолжите понатаму да објаснувате, ќе изгледа како да се правдате.

Секое дополнително појаснување може да се смета за изговор. Ако некој сака детали, ќе ви постави дополнителни прашања, не мора сами да ги кажувате.

Правило бр.6: Зборувајте само за себе за време на кавга

Главниот принцип на ова правило е да ги објасните вашите чувства и очекувања за тоа како сакате луѓето да ве третираат.

Ова правило не треба да поттикне конфликт и кавга. Само треба да зборувате за себеси и за вашите чувства, без да осудувате никого.

М. М. | Црнобело