Погрешна големина, занемарување на материјали: Најчести грешки кои ги правиме кога купуваме облека

Од лоша проценка на материјалите до неправилна проценка на тоа кој број му прилега на нашето тело...

Колку пати досега сте си купиле парче облека кое потоа сте сфатиле дека не ви прилега добро? Ова особено се случува кога порачувате по интернет или пак не го пробувате парчето во бутикот.

Кои се најчестите грешки што ги правиме при шопингот?

Купувате погрешен број

Треба добро да си ги знаете мерките на струкот, градите, колковите пред да одите на шопинг. Навистина не е пријатно кога жена или маж што носат број L ќе ги видиме стиснати во S.

Исто така, внимавајте дали гледате европски, американски, кинески или интернационални стандарди.

Не обрнувате внимание на препораките од производителот

Без разлика што си ги знаете мерките, сепак треба да внимавате и на бројките, како ширина/должина, што ги има наведено самиот производител на етикетата.

Кога бирате број не го земате предвид материјалот

Некои материјали по перењето, како памук и волна, се собираат, додека други, како синтетика, се шират.

Затоа добро прочитајте го составот на облеката пред да го одберете бројот.

Заборавате од кои парчиња облека треба да купите поголем број

Памучните маички, волнените џемпери, памучната долна облека и пижами се дел од работите кои треба да ги купите по еден број поголеми затоа што се стеснуваат по перењето, а и добро е да се чувствувате комфорно во нив.

Заборавате од кои парчиња облека треба да купите помал број

Фармерките и работите од полиестер се опуштаат по перењето, па треба да ги купите малку помали.

С. С. | Црнобело