Која е приказната зад алките кои принцот Хари ги носи веќе 20 години?

Многумина би рекле дека стилот на принцот Хари претрпе промени последниве неколку години, посебно откако ја запозна својата сегашна сопруга, Меган Маркл. Но, од еден детаљ не се откажува.

Спротивно од неговиот брат Вилијам, кој одбива да носи дури и бурма со оправдување дека не е фан на накит, принцот Хари своеволно додава накит во своите комбинации.

Неговото модно правило, кое очигледно прераснува во традиција, се задолжителните алки и бразлетни со монисти.

Од нив не се откажа дури ни на свадбениот ден и денот кога ја прогласија свршувачката со Меган.

„Корените“ на оваа приказна датираат од 1997-ма година, кога принцот Хари за првпат отпатува во Африка заедно со неговиот брат и татко, набрзо по трагичната смрт на принцезата Дијана.

Таму ја ставил својата прва бразлетна, заедно со принцот Вилијам, оддавајќи им чест на тамошните традиции.

Сепак, со оглед на тоа што патувањето во Африка за принцот Хари влијаело смирувачки и како што вели самиот ментално го заздравило и му ги отворило очите, продолжил да носи бразлетни со африкански мотиви.

„Таму (во Африка) се чувствував поудобно во своја кожа од било каде во светот. Посакувам да поминувам повеќе време во Африка. Имам чувство дека добивам комплетна релаксација и нормален живот во тие краишта.“

Дури и Меган Маркл во повеќе наврати беше сликана со идентична бразлетна како на принцот Хари:

М. Д. | Црнобело