Забрани и правила кои треба да ги следат жените ако се бремени со наследник на британскиот кралски трон

Покрај многуте правила кои мора да ги следат членовите на британското кралско семејство, постојат и многу правила и забрани за жените кои носат наследник на тронот.

Секако, кога се жените бремени, независно дали се членови на кралското семејство, постојат одредени работи до кои е добро да се држат заради лична безбедност и здравје.

Но, жените од кралското семејство мора да се откажат од неколку работи плус, кои звучат чудно.

Погледнете што значи да се биде бремена со кралско бебе:

Забрането е да се открие полот на бебето

Додека модерните мајки објавуваат на социјалните медиуми бои, балони и колачи со кои откриваат какво дете носат, родителите во кралското семејство не смеат да објават додека детето не се роди.

Не се прифаќаат подароци

Во некои семејства, најблиските носат подароци за бебето или купуваат креветчиња и слични додатоци уште додека мајката е бремена, но во кралското семејство тоа е строго забрането.

Не смеат да возат

Во почетокот на бременоста многу трудници продолжуваат да возат автомобил доколку претходно тоа го правеле редовно, но во кралското семејство тоа им е забрането на жените заради безбедносни причини.

Забрането е да бидат во лошо расположение

Претставник на кралското семејство мора секогаш да изгледа добро и да биде расположен, независно од хормоните, здравјето и слично.

Не смеат да јадат во јавност

Постојат некои чудни старински верувања дека според желбата за одреден вид храна на трудницата, може да се одреди  полот на детето, па наводно затоа членките на кралското семејство не смеат да јадат во јавност.

Исклучок се официјалните приеми, каде се служи иста храна за сите.

Не смеат да купуваат облека од продавници

Причината е повторно онаа дека може да го откријат полот пред јавноста или да се шират гласини.

Затоа купувањата за мајката и бебето се прават од специјални луѓе кои ја чуваат информацијата во строга тајност.

М. М. | Црнобело