Клише Инстаграм фотки од кои на сите им е смачено и не добиваат лајкови

Инстаграм со текот на годините стана агрегатор на клише фотографии, кои некогаш беа многу „лајкувани“.

Скокање во висина и фатен во кадар моментот додека лебдите, храна од секој агол, стапала кон море, вашата силуета како гледа во далечините...

Веќе знаеме дека Инстаграм се претвори во место каде се споделуваат неколку основни типови на фотки, во кои има сè помалку креативност, а сè повеќе шаблон.

Ова се дел од нив:

Стапала

Никој не знае од каде започна фасцинацијата од стапалата и нивното споделување на социјалните мрежи, но едно е сигурно - треба што побрзо да запре овој тренд.

Храна

Секој оброк се претвори во акција на барање добар агол и доволна осветленост, за храната да се сподели на Инстаграм и да, тоа сè уште е тренд.

Скок во височина

Скок со Ајфеловата кула во позадина, скок од карпа, скок во море, варијација на тема скокови, кои бараат акцијата да се изведе повеќе пати. Но, подобро би било ако наместо тоа, уживате во моментот.

Селфи-стикови

Селфи-стиковите ги измислија за да се избегне некој кој сте го замолиле да ве фотографира да избега со вашиот мобилен. Беше во ред додека не се претеруваше, но навистина, зошто ви е селфи-стик за во ресторан со пријателите?

Срце направено со раце

Срцето може да биде насочено кон небото, кон некој објект или кон личност. Толку креативна и никогаш видена визуелна илузија - кажал никој никогаш.

Од висина

Ќе наредите на маса книга, кафе, цвеќе и таблет и мислите дека сте направиле фотогенична композиција на предмети. Патувате некаде? Карта на светот, со пасош и (не дај Боже) билетите за летот (со видливи податоци), како и неизбежните нозе во волнени чорапи и чајот во кревет. Навистина е доста.

Е. Д. | Црнобело