Антисоцијално нарушување на личноста и како да го препознаете?

Спектарот на нарушувања на личноста е многу широк, а секое од нив има свое официјално име и клинички опис. Денеска зборуваме за антисоцијалното нарушување на личноста.

Она што е карактеристично за овие лица е дека тие не се интровертни и срамежливи, туку се однесуваат спротивно на непишаниот општествен кодекс, на кој нè учат во текот на воспитниот процес.

Во случајот на антисоцијалното нарушување на личноста се забележуваат неколку шеми на антисоцијално, па дури и опасно однесување кон други живи суштества.

Но, како да препознаете и разграничите?

Тие наговараат луѓе да го следат нивното однесување

Овие личности се манипулативни, најчесто во деструктивна насока. Умеат да ги убедат своите пријатели да им прават друштво во нивните ризични активности, бидејќи им треба поддршка од некого.

Лажат, лажат и само лажат

Кога влегуваат во конфликт, влегуваат и во маѓепсан круг на лаги, кои во нивната глава звучат како вистина. Но, за среќа, тие лаги се толку очигледни, што лесно ќе ја сфатите целта извлекување од конфликтот.

Кај нив не постои емпатија

За нив е сосема нормално да не чувствуваат емпатија и сочувствителност, бидејќи во спротивно не би можеле да бидат манипулативни. Крајна цел сепак им е личното задоволство, по можност со префрлена вина врз некој друг.

Никогаш не ги гледаат нештата од други перспективи

Накратко кажано, секоја нивна акција е смислена да им донесе каков-таков бенефит само нив. Никогаш не би помислиле дека тоа може да повреди некого.

Полесно се лутат за ситници

Иако се трудат да бидат шармантни, овие луѓе лесно може да избувнат поради ситници, па дури и да бидат агресивни и бесни, а во крајна линија да повредат некого или да се самповредуваат.

Тие не се менуваат

Карактеристиките на лицата со антисоцијално нарушување на личноста може да бидат посмирени или поизразени, но ретко може да исчезнат. Кај нив се препознатливи клинички симптоми како анксиозност, компулсивност и невротичност. Некогаш успеваат да ги контролираат, но многу почесто не.

Е. Д. | Црнобело