Зошто пријателствата на далечина се бесценети?

Живеевте во ист град, учевте во исто училиште, но дојде момент кога вашите патишта се разделија - поради студии, поради брак, поради шанса за работа.

Колку и да бевте среќни поради новиот тек на животот на вашиот најдобар пријател, не можете да криете дека разделбата ве прави тажни и дека би направиле сè за да ги задржите што подолго покрај вас.

И вие и вашиот пријател носите огромен багаж од емоции поради таа разделба, но не плашете се. Можеби токму оваа разделеност ќе ви покаже колку всушност е цврсто вашето пријателство.

Што сè ви покажува дека не треба да се грижите за вашето пријателство?

Одговарање на пораките

Дури и да нема време во моментот, ви одговара во првата пригода кога ќе се ослободи. Истото го правите и вие и сте во тек со целите свои животи.

Одговорите на пораките се реални

Не е одговор „колку да се рече“, туку навистина разговарате и разменувате информации едни за други. Со сè сте во тек дури и подобро отколку кога бевте физички едни покрај други.

Само една порака од нив ви го прави денот поубав

Ако живеете во различни временски зони и често не можете да се затекнете на Месинџер или Вибер, доволно е да ја прочитате наутро онаа прекрасна порака за добро утро и да вратите со иста мерка.

Помалку се карате и пократко трае лутината

Бидејќи сте свесни за далечината, дури и кога се случува да се налутите едни на други, тоа трае многу кратко. Во најголем број случаи, не ни доаѓа до тоа.

Си праќате подароци по пошта

Нема ништо позабавно од тоа да добиете пакет од својот пријател и да уживате во отворањето. Тогаш сфаќате дека никој друг не ве познава толку добро, колку тој/таа на стотици километри од вас.

Имате дестинација за одмор на половина пат

Најдовте одлично место кое не ви е предалеку ниту на едниот ниту на другиот и го користите за одмор, кога сакате да избегате од сите други и да поминете квалитетно време заедно.

Времето го користите квалитетно

Бидејќи го имате доста помалку на располагање, повеќе контролирате како го користите времето. Јасно е дека веќе не можете да „денгубите“ по кафиња со секакви муабети, па одредени информации ги цензурирате или избирате што ќе споделите.

Е. Д. | Црнобело