Зошто е поверојатно Дедо Мраз да живее на Јужниот пол, отколку на Северниот?

Зошто Северниот пол е најверојатно едно од најлошите места на планетата за огромната работилница за играчки на Дедо Мраз?

На Северниот пол нема што многу да се види, тоа е место со вода каде санти мраз пловат низ Северниот Леден Океан (Арктички Океан). Таму не живеат луѓе, туку само моржови и поларни мечки.

Северниот пол е најверојатно едно од најлошите места на планетата за огромната работилница за играчки на Дедо Мраз. Ако тој навистина ја направил таму, ќе треба да носи одело за нуркање постојано.

Тоа е затоа што Северниот пол не е земја и копно, туку место со вода и движечки санти мраз.

Можеби токму затоа жителите на Лапонија и Финска со години тврдат дека кај нив е родното место на Дедо Мраз. Но, тие воопшто не се најблиското место до Северниот пол.

Најсеверниот град на светот е Longyearbyen, кој се наоѓа на норвешкиот архипелаг Svalbard, лоциран помеѓу Норвешка и Северниот пол.

Луѓето таму живеат во многу сурови услови со многу мрачни месеци во годината. Такви се околностите и во најсеверните делови од Русија, Алјаска, Канада и Гренланд. Но, никој од овие луѓе не живее токму на Северниот пол.

Истражувачот Ерик Ларсен со планинарот Рајат Вотес во 2014 тргнале на експедиција до Северниот пол, но за навистина да дојдат до таа точка тие морале да ја стават својата опрема во вода и да пливаат.

На мапата се гледа каде е Северниот пол, а големата снежна површина е Гренланд.

Кога станува збор за работилницата на Дедо Мраз, Јужниот пол е подобро место. Таму тој би бил на копно, а и би имал друштво со оглед на тоа што постојат истражувачки центри со луѓе од разни сфери кои се сместени таму.

С. С. | Црнобело