Вашиот „најзлобен“ пријател е тој што го сака најдоброто за вас

Овој пријател „ви плеснува“ сè во фаца и понекогаш прави да сакате да го задавите. Стоп, кажете му благодарам!

Дали имате пријател што го сакате многу, но понекогаш не можете да го поднесете затоа што неговите остри (и вистинити) зборови ви се забиваат како игли во срцето и ве повредуваат? Се прашувате ли дали потајно ве мрази?

Можеби изненадувачки, но едно неодамнешно истражување покажа дека вашиот „најзлобен“ пријател е тој што ве сака најмногу и го сака само најдоброто за вас.

Тој можеби во моментот прави да искусите негативни емоции, но тоа го прави затоа што смета дека на долг рок тоа ќе ви донесе придобивки.

Универзитетот во Plymouth докажа дека за луѓето што вистински ги сакаме имаме повисоко поставени цели и понекогаш со нашите негативни коментари само сакаме да ги инспирираме да бидат подобри.

Односно вашиот пријател не е „злобен“ затоа што не може да ве поднесе, ве мрази и сака да ве повреди намерно, туку затоа што навистина ве сака, се грижи за вас и сака да бидете добро.

Тоа е начин на емпатија и кажување „те сакам“.

Кажете му веднаш на вашиот „злобен“ пријател дека ја цените неговата искреност.

С. С. | Црнобело