Непишани бон тон правила за однесување во машки тоалет

Не воспоставувајте контакт со очи со другите момци и не разговарајте во тоалетот додека ги користите писоарите.

Постојат многу бон тон правила за однесување во машки тоалет со писоари и, за среќа, мажите инстинктивно се придржуваат кон нив.

Дел од непишаните бон тон правила за во машки тоалет:

- Правило број еден е – Не зборувајте додека уринирате. Без разлика што во женските тоалети се озборува и смее, во машките тоалети треба да е тивко.

- Дури и кога ќе сретнете некој што го знаете не треба да разврзувате разговори, туку само да се поздравите со климнување на главата, а потоа да се најдете надвор од тоалетот.

- Кога имате избор, никогаш не одлучувајте да уринирате веднаш до писоарот што го користи некоја друга личност. Ќе изгледате како чудак.

- Понекогаш ќе се најдете во тоалет со многу луѓе и ќе бидете присилени да користите писоар меѓу други двајца мажи. Тогаш може да дојде до блокада и по 20 секунди само да стоите и да не успеете да уринирате и вие и тие до вас. Не е страшно, тајната останува ваша.

- Ако влезете во празен тоалет фатете некој писоар од страна, а не во средина, за да не биде чудно ако во меѓувреме влезе друг маж.

- Кога уринирате не го држете телефонот во рака затоа што изгледа лошо и е навистина нехигиенски.

- Кога уринирате само гледајте право напред, не воспоставувајте контакт со очи и не гледајте што прават другите момци, тоа е нивна работа.

С. С. | Црнобело