Помалку правила, повеќе забава: Тајните на долговечноста од 105-годишен јапонски доктор

Се сеќавате ли како деца кога поважни ви беа игрите и забавата со другарчињата, а не дали сте ручале?

Јапонскиот доктор и научник Shigeaki Hinohara, кој живееше 105 години, а почина во 2017 година, во текот на животот ја испитувал долговечноста.

Тој изјави дека тајната на животот е да се грижите помалку, да не се пензионирате, да имате здрава тежина, да се забавувате, секогаш да одите по скали и да не верувате слепо што ви кажуваат докторите.

Тој до својата смрт работел и по 18 часа на ден, а неговата книга за закажување на прегледи имала место со термини секогаш за плус уште 5 години.

Верувал дека во животот главно е придонесувањето, односно да имате чувство дека придонесувате и дека им помагате на луѓето и да се будите наутро со мислата дека ќе направите нешто прекрасно за другите. Мора да имате цели за денес, за утре и за наредните 5 години.

Тој даде неколку едноставни совети за подолг живот:

1. Грижете се помалку дали сте јаделе добро и дали сте спиеле доволно и забавувајте се повеќе. Се сеќавате ли како деца кога поважни ви беа игрите и забавата со другарчињата, а не дали сте ручале? Не ги уморувајте телото и умот со премногу правила.

2. Ако сакате долг живот, внимавајте тежината да не ви биде прекумерна.

3. Не следете слепо што ќе ви каже докторот. Прашајте го прво дали истото би им го препорачал и на своите деца и барајте второ и трето мислење. Музиката и животните нека ви бидат терапија.

4. За да ја поднесете и да заборавите на болката, забавувајте се. Ако детето има забоболка, но го заиграте со нешто, тоа веднаш ќе заборави на болката.

5. Секогаш одете по скали, а не со лифт, добро би било да пречекорувате и по 2 скали наеднаш за да ги активирате мускулите повеќе.

С. С. | Црнобело