Како со петминутна медитација да се ослободите од љубомората?

Дури и ако не сте љубоморна личност по природа, некогаш ви се случува да имате некаков испад, без разлика што го предизвикало.

Тоа може да се случи поради некој реален настан или пак, додека разгледувате по социјалните мрежи и гледате како вашите средношколски соученици или колеги од факултет прикажуваат живот подобар од вашиот.

Иако свесниот дел од вас знае дека на социјалните мрежи се прикажува розова реалност, сепак постои дел внатре во вашето тело кој ве „јаде“ и ве тера да се споредувате со другите.

Како медитацијата помага при овие ситуации?

Многумина на медитацијата гледаат како можност за ослободување од стресот. Практично, љубомората може да биде предизвикувач на стрес, па емоциите кои ги создава мора да бидат пренасочени во нешто попозитивно и поконструктивно. Затоа и се препорачува да медитирате кога го имате овој напад на љубомора.

Тоа можете да го изведете во три лесни чекори:

1. Прибележете ги чувствата

За да може да надминете некој проблем, треба да дефинирате кој е неговиот корен. Истото важи и за љубомората. Дефинирајте од каде доаѓа таа и зошто воопшто се појавила, препознајте ги чувствата без да се срамите од нив и за миг влезете во улогата на набљудувач отстрана.

Нивното набљудување ви дава можност полесно да ги контролирате. Овој дел е навистина едноставен.

2. Дишете и рефлектирајте

Магијата на медитацијата навистина е во дишењето. Кога имате напад на љубомора, обрнете внимание на ритамот на дишење веднаш. Враќањето во нормалниот ритам ќе спречи љубомората да направи подлабока дупка во вас.

Дишете контролирано една минута, длабоко и внимателно. Пуштете ги мислите некаде надвор од вас и ослободете се од претераното размислување.

3. Усвојте своја мантра

Мантрите се фраза или поговорка која се поклопува со ситуацијата и можете да си ги повторувате за да ги дефокусирате мислите, а потоа и да ги насочите во конструктивен правец.

Можете да си дозволите и да бидете строги кон себе, но најважно е да ја практикувате и почитувате својата мантра, која по одредено време ќе ви влезе во потсвеста и ќе влијае да се справите со љубомората.

Е. Д. | Црнобело